![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Antarë të “Klubit të Patriotëve të Rinj” të PDIU-së zhvilluan sot një protestë para ambasadës së Maqedonisë në Tiranë.
Kjo protestë e të rinjve të PDIU-së vjen në mbështetje të partive politike shqipëtare në Maqedoni.
Maqedonia prej disa javësh është në krizë qeveritare për shkak se Nikolla Gruevski, nuk arriti të marrë mandatet e nevojshme për krijimin e qeverisë.
Gjithashtu ata kundërshtojnë veprimin e presidentit Ivanov, i cili nuk i dha mandatin Zaevit për të formuar qeverinë e re për shkak se nuk lejon një platformë shqiptare në këtë qeveri.
HISTORIA
Presidenti i Maqedonisë i hodhi benzinë zjarrit në Maqedoni duke refuzuar të mandatojë liderin e opozitës, Zoran Zaev si kryeministrin e ri pas Gruevskit. Megjithëse kishte deklaruar se kush bën mandatet e kërkuara 60+1, ai do ti jepte këtë mandat, kthesa e Ivanovit ka ngritur tensionet ndëretnike në vendin fqinj.
Kjo deklaratë ka hasur në reagimin e tipit “një komb – një qëndrim” në Tiranë.
Kryeministri Edi Rama i pari, kryetari i opozitës, Lulzim Basha mbrëmë në mesnatë dhe kryetari i Kuvendit Ilir Meta sot kanë dënuar ashpër qëndrimin e presidentit të Maqedonisë, qëndrim që në fakt jo vetëm shkel Kushtetutën e vendit fqinj por rrezikon edhe një krizë të re në Ballkan.
Ndërkohë, deputetja e PDIU-së, Mesila Doda kërkoi sot në Kuvend që Ilirida (Maqedonia e sotme) të shpallë pavarësinë. Madje jo vetëm kaq, Doda propozon edhe që shteti shqiptar të shpallë të padëshirueshëm presidentin maqedonas, Gjorge Ivanov.
Për të marrë lajmet e fundit të “Gazeta Shqiptare”, ndiq faqen tonë në Facebook.